Թեմա - Գույքային և տնային ունեցվածքի ապահովագրություն
Տեսակ - Կուրսային, անհատական և ստուգողական աշխատանքներ
Գին - 2200 դրամ
Առարկա - Ապահովագրություն
Էջեր - 11
Գույքային ապահովագրության առանձնահատկությունները
Գույքի և տնային ունեցվածքի ապահովագրություն
Եզրակացություն
2. Ճուղուրյան Ա., Աբգարյան Կ. «Ապահովագրական գործ», Երևան, 2007,
3. ՀՀ քաղաքացիական օրենսգիրք, 1998 թ.,
4. Абрамов В.Ю. Страхование: теория и практика. - М.: "Волтерс Клувер", 2005,
5. Смирнова М.Б. "Страховое право": М., ЗАО Юстицинформ, 2007.,
6. http://www.insurance.am
7. http://www.avant-guard.am
Գույքային ապահովագրությունն իրենից ներկայացնում է ապահովագրողների և ապահովադիրների միջև ապահովագրական ծառայությունների մատուցման հարաբերությունների մի համակարգ, երբ ապահովադիրների գույքային շահերի պաշտպանությունը կապված է գույքին տիրապետման, օգտագործման կամ տնօրինման հետ: Գույքային ապահովագրության գծով ապահովադիրներ կարող են լինել իրավաբանական և ֆիզիկական անձինք:
Ապահովագրության այս տեսակի իրականացման ընթացքում գույք հասկացության տակ անհրաժեշտ է նկատի ունենալ ոչ միայն կոնկրետ առարկան կամ իրը, այլ նաև իրերի, առարկաների և ապրանքների խմբեր:
Գույքային ապահովագրության համընդհանուր դասակարգում գոյություն չունի: Այնուամենայնիվ, ընդունված է առանձնացնել գույքային ապահովագրության հետևյալ հիմնական տեսակները.
գույքի (ունեցվածքի) ապահովագրություն հրդեհից և այլ ռիսկերից,
բեռների ապահովագրություն,
տրանսպորտային միջոցների ապահովագրություն,
տեխնիկական ռիսկերի ապահովագրություն,
ավիացիոն ռիսկերի ապահովագրություն,
գյուղատնտեսական ռիսկերի ապահովագրություն:
Բնակարանի ապահովագրությունը, որը հայտնի է նաև վնասի ապահովագրություն կամ բնակարանի սեփականատիրոջ ապահովագրություն անվանումներով, գույքի ապահովագրության մի տեսակ է, որը ծածկույթ է ապահովում մասնավոր բնակարանների համար: Բնակարանի ապահովագրության պայմանագիրը ներառում է տարբեր վնասների ծածկույթ, որոնք կարող են պատճառվել բնակարանին, ինչպես օրինակ բնակարանի շահագործումից կորուստը, այլ անձանց կողմից հասցված անձնական ունեցվածքի վնասները, ինչպես նաև սեփական պատաս-խանատվության ապահովագրությունը այն վնասներից, որոնք կարող են տեղի ունենալ բնակարանում: Սա բազմապատկված-գծով ապահովագրության տեսակ է, որը ներառում է և գույքի, և պատասխանատվության ծածկույթներ` միասնական հավելա-վճարով, ինչը նշանակում է, որ հավելավճարը վճարվում է բոլոր ռիսկերի համար:
Գույքային ապահովագրության նպատակը վնասի հատուցումն է: Այդ կապակցությամբ ապահովագրության այս տեսակի համար խիստ կարևորվում է ապահովագրվող գույքի գնահատումը և ապահովագրական գումարի սահմանումը:
Ապահովագրական գումարը կամավոր ապահովագրության դեպքում ապահովադրի և ապահովագրողի համաձայնությամբ է որոշված, իսկ պարտադիր ապահովագրության դեպքում՝ օրենքով որոշված դրամական արտահայտությամբ այն գումարն է, որի սահմաններում ապահովագրվում է ապահովագրության օբյեկտը: Ապահովագրական արժեքը գույքային ապահովագրության պայմանգրի կնքման պահին գույքի իրական (շուկայական) արժեքն է: Անհրաժեշտ է նշել, որ ապահովագրական գումարը չի կարող բարձր լինել գույքի ապահովագրական արժեքից: Հակառակ դեպքում, ստեղծվում է մի իրավիճակ, որն ապահովագրողին դրդում է հակօրինական քայլերի` ապահովագրական հատուցում ստանալու համար, որը գերազանցում է գույքի իրական արժեքը: